மனைவியை போத்தலால் குத்திக்கொலை செய்த கணவன் ..

Friday, April 20, 2018

கணவரொருவர் தனது 22 வயதான மனைவியை வெட்டிக்கொலை செய்த சம்பவம் குடவெல தெற்கு வெலிவேரிய பிரதேசத்தில் இடம்பெற்றுள்ளது.

குடவெல தெற்கு வெலிவேரிய பிரதேசத்தில் கணவர் ஒருவர் மது அருந்தி வீட்டுக்சென்றபோது அவருக்கும் மனைவிக்கும் இடையில் ஏற்பட்ட தகராறு காரணமாக மனைவியின் கழுத்துப்பகுதியில் கூர்மையான போத்தலால் குத்தியுள்ளார்.
இச் சம்பவத்தில் குடவெல தெற்கு வெலிவேரிய பிரதேசத்தில்  வசித்துவந்த 22 வயதுடைய இளம் மனைவியே உயிரிழந்துள்ளார். 
மனைவியை கொலை செய்த 26 வயதான கணவர் பொலிஸாரினால் கைதுசெயயப்பட்டுள்ளார். 
இதுதொடர்பாக  மேலதிக விசாரணைகளை தங்காலை பொலிஸார் மேற்கொண்டு வருகின்றனர்.
மேலும்....

மோட்டார் சைக்கில் விபத்து

Thursday, April 19, 2018


வவுனியா - வைரவப்புளியங்குளம் பகுதியில் நேற்று  மாலை 6 மணியளவில் 3 நபர்களுடன் அதிவேகமாக பயணித்த மோட்டார் சைக்கிள் முச்சக்கரவண்டியுடன் மோதி விபத்துக்குள்ளானதில் பெண் உட்பட நால்வர் காயமடைந்த நிலையில் வைத்தியசாலையில் அனுமதிக்கப்பட்டுள்ளனர்.

கதிரேசன் வீதியூடாக ரயில் நிலையம் நோக்கி பயணித்த முச்சக்கரவண்டி மீது வைரவப்புளியங்குளம் வைரவர் கோவில் வீதி இரண்டாம் ஒழுங்கையிலிருந்து கதிரேசன் வீதி நோக்கி 3 இளைஞர்கள் பயணித்த மோட்டார் சைக்கிளே மோதி விபத்துக்குள்ளானது.
இவ் விபத்தில் முச்சக்கரவண்டியில் பயணித்த பெண் உட்பட சாரதி மற்றும் மோட்டார் சைக்கிளில் பயணித்த இரு இளைஞர்கள் வைத்தியசாலையில் அனுமதிக்கப்பட்டுள்ளனர்.
குறித்த மோட்டார் சைக்கிள் சாரதிக்கு தற்காலிக சாரதி அனுமதிப்பத்திரம் காணப்படுவதுடன் இவர்கள் பாடசாலை மாணவர்கள் என்பதும் குறிப்பிடத்தக்கது.

விபத்து தொடர்பான மேலதிக விசாரணைகளை வவுனியா போக்குவரத்து பொலிஸார் மேற்கொண்டு வருகின்றனர்.
மேலும்....

வாகன விபத்தில் ஐவர் படுகாயம் இளைஞன் உயிரிழப்பு!!..


மட்டக்களப்பு களுவாஞ்சிகுடியில் இடம்பெற்ற வாகன விபத்தில் இளைஞர் ஒருவர் உயிரிழந்துள்ளதுடன் ஐவர் படுகாயமடைந்தனர்.
இந்த விபத்து இன்று இடம்பெற்றது எனப் பொலிஸார் தெரிவித்தனர்.
கல்முனை வீதியில் கோழி ஏற்றிச் சென்ற டிப்பர் ரக வாகனமும் சிற்றூர்ந்தும்  ஒன்றுடன் ஒன்று மோதியுள்ளது.
அதேவேளை டிப்பர் ரக வாகனத்துடன் மோதிய சிற்றூர்ந்து மின்கம்பத்துடன் மோதியதிலேயே இந்த விபத்து ஏற்பட்டது எனக் கூறப்பட்டது.
இதில் சிற்றுந்துச் சாரதி உயிரிழந்துள்ளதுடன் டிப்பரில் பயணம் செய்த மூவரும் சிற்றுந்தில் பயணம் செய்த இருவரும் படுகாயமடைந்த நிலையில் களுவாஞ்சிகுடி ஆதார மருத்துவமனையில் சேர்க்கப்பட்டனர்.
இது தொடர்பான மோலதிக விசாரணைகளைப் பொலிஸார் மேற்கொண்டனர்.
மேலும்....

ஆனந்­தன் எம்.பி - பகைமை பாராட்ட இது நேர­மல்ல விட்­டுக்­கொ­டுத்து செயற்­ப­டுங்­கள்..


தலை­வர் பத­வி­க­ளுக்­கான தேர்­தல்­க­ளின் போது இடம்­பெற்ற விட­யங்­க­ளைத் தூக்­கிப்­பி­டிக்­கா­மல், இனி அனைத்து உறுப்­பி­னர்­க­ளும் ஒன்­றி­ணைந்து, விட்­டுக் கொ­டுப்­பு­டன் பணி­களை முன்­னெ­டுக்க வேண்­டும். பகைமை பாராட்­டும் நேரம் இது­வல்ல என்­பதை நாம் புரிந்­து­கொள்ள வேண்­டும்.
இவ்­வாறு நாடா­ளு­மன்ற உறுப்­பி­னர் சிவ­சக்தி ஆனந்­தன் விடுத்­துள்ள ஊடக அறிக்­கை­யில் தெரி­விக்­கப்­பட்­டுள்­ளது. அதில் மேலும் தெரி­விக்­கப்­பட்­டுள்­ள­தா­வது,
நடை­பெற்று முடிந்த உள்­ளு­ராட்சி மன்­றத் தேர்­தல்­க­ளின் பின்­னர், ஏறத்­தாழ அனைத்து சபை­க­ளுக்­கு­மான தவி­சா­ளர்­க­ளும் மேயர்­க­ளும் நகர பிதாக்­க­ளும் தெரிவு செய்­யப்­பட்­டுள்­ள­னர்.
இந்த தேர்­தல்­கள் சட்­டம் பல்­வேறு புதிய அனு­ப­வங்­களை நாட்டு மக்­க­ளுக்­கும் அர­சி­யல் கட்­சி­க­ளுக்­கும் வழங்­கி­யுள்­ளது. வடக்­கு-­ கி­ழக்­கைப் பொறுத்­த­வரை, எட்டு மாவட்­டங்­க­ளும் தமிழ்த் தேசிய இன­வி­டு­த­லைப் போராட்­டத்­தின் கார­ண­மாக நேர­டி­யா­கவோ மறை­மு­க­மா­கவோ மிக­வும் மோச­மா­கப் பாதிக்­கப்­பட்­டுள்­ளன.
எமது உரி­மைப் போராட்­டத்தை முன்­னெ­டுத்­துச் செல்­லும் அதே­வேளை, எமது பிர­தேச மக்­க­ளின் அடிப்­ப­டைத் தேவை­க­ளைப் பூர்த்தி செய்­வ­தும் எமது தலை­யாய கடமை. நாளாந்த விட­யங்­க­ளில் மட்­டுமே கவ­னம் செலுத்­த­வி­ருக்­கும் உள்­ளூ­ராட்சி மன்­றங்­க­ளைச் சிலர் தமது சுய­ந­லன்­க­ளுக்­காக தேசிய இனப் பிரச்­சி­னை­யு­டன் தொடர்­பு­ப­டுத்­தி­ய­தன் விளைவே நாடு இன்று எதிர்­நோக்­கி­யுள்ள பிரச்­சி­னை­க­ளுக்கு மூல­கா­ர­ணம்.
எது எப்­படி இருப்­பி­னும், நடந்­த­வை­களை மறந்து, தேர்ந்­தெ­டுக்­கப்­பட்­டுள்ள உறுப்­பி­னர்­கள் அனை­வ­ரும் எமது பிர­தே­சத்­தைச் சேர்ந்­த­வர்­கள் என்­ப­தைக் கணக்­கி­லெ­டுத்து, அனை­வ­ரும் ஒன்­றி­ணைந்து கிரா­மங்­கள், நக­ரங்­கள் ஆகி­ய­வற்­றின் அபி­வி­ருத்­தி­யில் கவ­னம் செலுத்­த­வேண்­டும்.
எமது பிர­தே­சத்­தின் அனைத்­துக் கிரா­மங்­களை சுகா­தா­ரத்­தில் தன்­னி­றைவு பெற்­ற­தா­க­வும் ஆரோக்­கி­ய­மிக்­க­தா­க­வும் மாற்­றி­ய­மைக்க முன்­வ­ர­வேண்­டும்.
முன்­னு­ரிமை அடிப்­ப­டை­யில் பட்­டி­ய­லிட்டு கூடி­ய­வ­ரை­யில் வினைத்­தி­றன் மிக்க செயற்­பாட்டை முன்­னெ­டுப்­பதே நாம் எம்மை தேர்ந்­தெ­டுத்த மக்­க­ளுக்­குச் செய்­யும் நன்­றிக்­க­ட­னா­கும்.
அபி­வி­ருத்­திப் பணி­க­ளில் வட்­டார, கட்சி, இன, மத பேதங்­களை மறந்து சபை­க­ளில் உள்ள நிதி­களை முறை­யா­கக் கையாண்டு நீடித்­தி­ருக்­கும் அபி­வி­ருத்­திப் பணி­களை அனைத்து பிர­தே­சங்­க­ளுக்­கும் வழங்­கு­வ­தற்கு நட­வ­டிக்கை எடுப்­ப­தற்கு அனைத்து உறுப்­பி­னர்­க­ளும் உறு­தி­பூண வேண்­டும்.
ஒவ்­வொரு உறுப்­பி­ன­ரும் தமக்கு வாக்­க­ளித்த மக்­க­ளுக்கு தாம் அளித்த உறு­தி­மொ­ழி­களை நிறை­வேற்­று­வ­தற்­குக் கட­மைப்­பட்­ட­வர்­கள். அதே நேரம், மிக­வும் பின்­தங்­கிய வட்­டா­ரத்­தின் வாழ்­வா­தா­ரத்­தைக் கட்­டி­யெ­ழுப்­பும் விதத்­தில் அதன் உட்­கட்­டு­மான வச­தி­களை அபி­வி­ருத்தி செய்­வது மிக­வும் அவ­சி­யம். அதை உணர்ந்து செயற்­பட முன்­வ­ர­வேண்­டும்.
கட்­சி ­ரீ­தி­யாக நாம் பிரிந்­தி­ருந்­தா­லும் நாம் தமிழ்த் தேசிய இன மக்­கள் என்­பதை நினை­விற்­கொண்டு, போரால் அழி­வ­டைந்­துள்ள எமது கிரா­மங்­களை பற்­று­று­தி­யு­டன் மீளக் கட்­டி­யெ­ழுப்ப ஒவ்­வொ­ரு­வ­ரும் உறுதி பூணு­வோம்.
இருக்­கின்ற நிதி­வ­ளங்­க­ளைக் கொண்டு உங்­கள் பணி­களை மேற்­கொள்­கின்ற அதே­நே­ரம், மேலும் சில அத்­தி­யா­வ­சிய பணி­க­ளுக்கு நிதிப்­பற்­றாக்­குறை நில­வு­கை­யில், மாகாண சபை உறுப்­பி­னர்­கள் மூலமோ, நாடா­ளு­மன்ற உறுப்­பி­னர்­கள் மூலமோ மேல­திக நிதி­க­ளைப் பெறு­வ­தற்­கான முயற்­சி­களை மேற்­கொண்டு எமது பிர­தே­சத்தை மீளக் கட்­டி­யெ­ழுப்ப திட­சங்­கற்­பம் பூணு­வோம். இந்த விட­யத்­தில் ஈழ மக்­கள் புரட்­சி­கர விடு­தலை முன்­னணி தன்­னால் இயன்ற அனைத்­தை­யும் செய்­வ­தற்­குத் தயா­ராய் இருக்­கின்­றது.
உள்­ளூ­ராட்­சித் தேர்­தல்­க­ளில் பலர் பல்­வேறு கார­ணங்­க­ளுக்­கா­கப் பல கட்­சி­க­ளில் இணைந்து போட்­டி­யிட்­டி­ருக்­கக்­கூ­டும். அவை­களை மீட்­டிப்­பார்த்து பகைமை பாராட்­டும் நேரம் இது­வல்ல என்­பதை நாம் அனை­வ­ரும் புரிந்­து­கொள்ள வேண்­டும்.
கோர­மான வறு­மை­யி­லும், போதிய சுகா­தா­ர­மற்ற சூழ­லி­லும் வாழும் எமது மக்­களை அவற்­றி­லி­ருந்து விடு­விப்­பதே எமது தலை­யாய பணி­யாக இருக்க வேண்­டும். உள்­ளூ­ராட்சி மன்­றத் தேர்­தல்­கள் அதற்­கா­கவே நடத்­தப்­ப­டு­கின்­றன. போட்­டி­யிட்ட ஒவ்­வொ­ரு­வ­ரும் அந்த நோக்­கத்­துக்­கா­கவே போட்­டி­யிட்­டீர்­கள். எமது மக்­கள் வழங்­கிய ஆணையை நிறை­வேற்ற உறு­தி­பூ­ணு­வோம்- என்­றுள்­ளது.
மேலும்....

இன்று முதல் முச்சக்கரவண்டிகளுக்கு மீற்றர் பொருந்தும் நடைமுறை...



இலங்கையில் இன்று முதல் முச்சக்கர வண்டிகளுக்கு மீற்றர் பொருத்தும் நடைமுறை கட்டாயமாக்கப்பட்டுள்ளது.
பயணிகளுக்கு கட்டண சீட்டு வழங்கக்கூடிய மீற்றர் பொருத்தும் நடைமுறை இன்று முதல் நடைமுறைப்படுத்துவதாக வீதிப் பாதுகாப்புத் தொடர்பான தேசிய சபை தெரிவித்துள்ளது.
கட்டணச் சீட்டு வழங்காத முச்சக்கர வண்டிகள் தொடர்பில் முறைப்பாடு செய்யுமாறு மக்களிடம் சபை கோரிக்கை விடுத்துள்ளது.
முச்சக்கர வண்டிகளில் பல்வேறு கட்டணங்கள் அறவிடுவதன் மூலம் மக்கள் அசௌகரியங்களுக்கு முகங்கொடுப்பதால் இந்த சட்டம் அறிமுகம் செய்யப்பட்டுள்ளது.
பயணிகளுக்கு கட்டண பட்டியல் வெளியிட கூடிய வகையில் முச்சக்கர வண்டிகளுக்காக மீற்றர் பொருத்துவதற்கு வீதி பாதுகாப்பு தொடர்பான தேசிய சபை 6 மாத கால அவகாசம் வழங்கியிருந்தது. அதற்கமைய இன்று முதல் இந்த சட்டம் நடைமுறைப்படுத்தப்படவுள்ளது.
மேலும்....

இலங்கையின் நுவரெலியாவிற்கு நடிகர் சுபு விஜயம்...

தமிழகத்திலிருந்து நடிகர் சுபு (பஞ்சு சுபு) சுற்றுலா விஜயத்தை மேற்கொண்டு இலங்கையின் நுவரெலியாவுக்கு வருகை தந்துள்ளார். தமது குடும்ப சகிதம் முதன்முறையாக இலங்கைக்கு விஜயத்தை மேற்கொண்டுள்ள நடிகர் சுபு நுவரெலியாவில் வசந்த கால நிகழ்வுகளை பார்வையிட்டதுடன், சீத்தாஎலிய அம்மன் ஆலயம், றம்பொட ஆஞ்சிநேயர் ஆலயம் உட்பட கண்டி மற்றும் பல பிரதேசங்களுக்கு விஜயத்தை மேற்கொண்டு ஆலய வழிபாடுகளிலும் ஈடுப்பட்டுள்ளார்.

இவ்வாறு விஜயத்தை மேற்கொண்ட இவர் நேற்று மதியம் 2 மணியளவில் நுவரெலியா மாவட்டத்தில் கொட்டகலை - பத்தனை கிறேக்கிலி தோட்டத்திற்கு விஜயத்தை மேற்கொண்டு அங்குள்ள தேயிலை தொழிற்சாலையின் தொழில் நடவடிக்கைகளையும் பார்வையிட்டுள்ளார்.
இவர் எதிர்வரும் சனிக்கிழமை நாட்டிலிருந்து புறப்படவுள்ளதாக தெரிவிக்கப்படுகின்றது.
மேலும்....

பொது மக்களின் பணத்தை வீணாக செலவழிக்க வேண்டாம் ; என்கிறார் மஹிந்த....


இலங்கை பொதுஜன முன்னணியின் தெரிவு செய்யப்பட்ட மேயர் மற்றும் பிரதேச சபைத் தலைவர்கள் உள்ளிட்டோர்  பொதுமக்களின் நிதியை வீணாக செலவழிப்பதாக முன்னாள் ஜனாதிபதி மஹிந்த ராஜபக்ஷ தெரிவித்துள்ளார். 

சில மாநகர சபைகள், நகர்ப்புர சபை மற்றும் பிரதேச சபைகளின் தலைவர் பொதுமக்கள் நிதிகளை பெருமளவில் பொது விழாக்களுக்கு செலவழிப்பதாகவும்  தெரிவித்துள்ளார். 
வருமானம் குறைந்த  மக்களிடம் அறவிடப்படும் பணத்தை செலவழிப்பதாகவும்  தற்போதைய அரசாங்கமானது நகர சபைகள், மாநாகர சபை மற்றும் பிரதேச சபை ஆகியவற்றின் நிதிகளை    பொது விழாக்களுக்கு செலவழிப்பதாகவும் இந்த பணத்தை மக்களின் நலனுக்காக பயன்படுத்த வேண்டும் என  முன்னாள் ஜனாதிபதி மஹிந்த ராஜபக்ஷ மேலும் தெரிவித்துள்ளார். 
மேலும்....

இலங்கைச் செய்திகள்

கல்வி

திரைச் செய்திகள்

மகளீர் பக்கம்

ஆண்மீகம்

இந்தியச் செய்திகள்

உலகச் செய்திகள்

விளையாட்டுச் செய்திகள்

சமையல் குறிப்பு

 
Support : Copyright © 2017. தழிழ்ச்செய்திகள் - All Rights Reserved
Site Designed by Creating Website Inspired Support
Proudly powered by SunGroups